【明報專訊】為慶祝75周年國慶及推動海濱發展20年，發展局、海濱事務委員會聯同香港遊樂場協會「海洋新幹線」喺灣仔水上運動及康樂主題區舉辦「維港同舟共遊」，嚟緊10月尾及11月3個周末（周六及周日）仲會加推10場主題水上活動，費用全免，噚日起開放公眾報名啦！

東岸公園11月藝術裝置展

體驗活動涵蓋4項共10場水上活動，包括水上單車、獨木舟等，預計吸引超過130個市民參加，活動費用全免，名額有限，先到先得。詳情可瀏覽https://www.hkpaoe.com/75a。

海濱事務委員會另計劃11月底起喺炮台山「東岸公園主題區」舉行藝術裝置展覽，以時間廊方式展示香港海濱發展嘅重要里程碑及珍貴圖片，除咗有去年「維港海濱攝影及短片創作比賽」嘅得獎作品，堤端都會設置風動幕牆藝術裝置，融合香港獨特壯麗嘅海岸線景觀。