【明報專訊】政府同社會各界噚日推出多項優惠賀國慶，多個高官、議員四處「覓食」響應，發起業界推優惠活動嘅飲食界議員張宇人就食足全日，仲講笑話留番今日先考慮減肥。高官代表有去咗灣仔掃貨嘅副政務司卓永興，而醫衛局長盧寵茂似乎鍾情數碼港一間冰室，噚日同七一都去咗食早餐。噚日國慶酒會場內特設熊貓打卡位，吸引經民聯議員陸瀚民同太太、民建聯議員林琳、房屋局常秘羅淑佩影相留念。