【明報專訊】啟德體育園工程如火如荼，趕喺年底做測試賽。立法會鞏固及促進九龍東第二核心商業區嘅相關政策事宜小組委員會成員噚日就去咗參觀，小組主席鄧家彪話見到主場館已鋪滿座椅，亦裝咗音響，見到場館內有大型LED屏幕等設備，形容「似模似樣」。佢又代體育園公布園區有八成商舖已租出，計劃喺12月聖誕檔期前開業。