【明報專訊】政府舉辦唔少國慶活動，與民同樂之餘，亦加入弘揚愛國主義教育元素，政府部門同公營機構都積極參與。Emily得知醫管局（HA）向員工發出一份「認識國家迎國慶」問卷，一共有7條選擇題，包括國徽同國旗有邊啲元素、國歌係邊齣電影嘅主題曲、「一帶一路」至今有幾多國家參與等。HA話7條問題全部答中就有機會攞到Godiva朱古力或Haagen-Dazs雪糕價值50蚊嘅禮品券。