【明報專訊】大灣區共同家園青年公益基金搞咗個「家國情微型藝術展」，會有42件手工作品，題材亦幾貼時事，包括有巴黎奧運獎牌運動員張家朗、江旻憓同何詩蓓，亦有大熊貓盈盈同佢對初生龍鳳胎。部分展品亦加入國慶元素，包括巨型作品《維多利亞港》，涵蓋灣仔會展、政府總部等40幾座維港兩岸地標建築。

展覽噚日舉行開幕禮，係國慶75周年活動之一，9月20日至10月5日喺中環展城館舉行。

出席儀式嘅政務司副司長卓永興話，今次展覽以「家國情」為主題，以藝術展慶祝國慶。佢感謝基金喺過去5年為青年發展工作嘅努力同貢獻，話基金會支援年輕人多元發展，同時弘揚愛國精神。