【明報專訊】各個政黨、商會、社團都舉辦連串賀國慶活動，其中香港島各界聯合會舉辦「港島節」，今個月同下個月喺港島各區舉辦過百場活動，仲請咗滑浪風帆港隊代表馬君正及乒乓球「一哥」黃鎮廷做宣傳大使。其中中西區嘅焦點活動係喺中環皇后像廣場擺放約10米高、破健力士世界紀錄嘅巨型花燈，入面會放7500個如意結，由在囚者、學生、街坊等唔同人合力編織，下周四（26日）舉行亮燈儀式。