【明報專訊】聽日中秋節，賽馬會超過200個義工上周末去咗深水埗，探望一班獨居長者同雙老家庭，上個月先加入馬會擔任對外事務助理經理嘅巴黎奧運女子個人重劍金牌得主江旻憓（Vivian）亦參加咗佢入職以嚟首次馬會義工隊活動。Vivian除咗派福袋，仲帶埋個奧運金牌畀佢探訪嘅長者睇，𧨾得老人家好開心。呢位老友記之後戴住Vivian塊金牌，兩個人擺出心形手勢合照。