【明報專訊】巴黎殘奧噚日閉幕，文體旅局長楊潤雄話，今年政府買入奧運轉播權畀市民免費睇直播，「睇得到效果」，亦真真正正畀到精英運動員鼓勵，會盡快考慮點樣處理下屆洛杉磯奧運嘅轉播權。佢早前去咗法國觀賽，話殘奧競賽氛圍好，而賽事利用好多當地著名地點改造成比賽場館，做到旅遊同體育結合，值得香港參考。