【明報專訊】噚日打風，海洋公園喺Ig發放溫馨片段，見到大熊貓盈盈擁抱BB家姐，散發母愛。海洋公園叫大家放心，話即使天氣惡劣，專家同護理團隊會繼續24小時照顧住大熊貓。香港海洋公園保育基金總監祝效忠話，大熊貓一向難於繁殖，盈盈今次誕下龍鳳胎，係為佢哋大熊貓保育工作打咗一劑「強心針」，會拓展大熊貓嘅保育同教育工作。