【明報專訊】勞福局長孫玉菡噚日結束一連四日訪問北京行程，今次佢坐動臥列車上京，大讚房間牀鋪遠比學生時代坐過嘅三層硬臥舒適。過去兩日佢到訪清華大學同北京大學，同清華大學黨委副書記過勇教授同北大黨委副書記、副校長甯琦會面，介紹特區政府招攬人才措施。佢話行程有特別任務，事緣政助傅曉琳係清華畢業生，6月完成高級公共管理碩士香港政務人才項目，故趁機喺清華大學同佢影畢業相。