【明報專訊】商務部長王文濤日前來港出席「三中全會」宣講會，提及香港可利用港珠澳大橋推進「粵車南下」，釋放大橋潛力，發展區域經濟。港府已計劃安排「粵車南下」停泊喺港珠澳大橋人工島，但立法會議員田北辰話呢種安排「幾廢」，難吸引內地有錢人揸車南下；仲話向政府反建議，喺欣澳站旁建大型停車場畀內地車停泊，先方便到內地客轉乘鐵路去迪士尼玩、去市區購物。田二少話官員同佢講會考慮呢項建議。