【明報專訊】迪士尼義工隊上星期五（23日）喺香港兒童醫院舉辦嘉年華，同超過300個病童及家長一齊開心放暑假。活動當日米奇同米妮分別著住醫生袍同護士服嚟到病房同小朋友擊掌、相擁（圖），而義工隊就喺大堂設置遊戲攤位，表演雜技、唱歌同擊鼓，又向在場小朋友派氣球同文具，歡笑聲遍佈醫院每個角落。