【明報專訊】東華三院聽日（28日）舉辦賣旗日，主席鄧明慧噚日喺傳媒午宴話今次賣旗日以「扭出善心」做主題，一套4款嘅紙旗設計係以扭蛋元素結合動漫繪畫風格，展示該院嘅服務，呼籲社會踴躍支持。東華今次亦有新搞作，首次招募線上賣旗義工，市民即日起到9月20日可以喺網上登記做義工，獲取專屬「線上旗袋」捐款連結，透過手機通訊軟件或社交平台向其他人分享同呼籲捐款。