【明報專訊】香港往北京及上海嘅高鐵動臥列車6月開通，實政圓桌立法會議員田北辰終於有機會試「瞓」，話因為夾孫仔孫女及仔女假期唔易，至上周安排到嚟一趟快閃出行，一家三代共12人上周五晚搭通宵火車去上海，周一朝早就回程返到香港，仲話玩足兩個全日，只需租一晚酒店。不過，田二少話，今次本來安排自己瞓上格牀，因為太太怕啲孫喺上格跌落牀，但佢自嘲「歲月不饒人」，爬極都爬唔到上去，結果由最大嘅孫女瞓上格牀。