【明報專訊】巴黎奧運已經閉幕，唔少市民都有收睇港隊出戰嘅賽事，今屆政府同上次東京奧運一樣，買入巴黎奧運轉播權，康文署亦喺全港18區指定嘅體育館設「活力奧運觀賞站」播放賽事，上月27號開放到前日，每日朝8晚11。署方噚日公布觀賞站開放期間約有7萬人次入場觀賽。署方嘅觀賞站有18個，奧運為期16日，按此推算，平均每個站每日有243人次去過。