【明報專訊】9個分別來自本港、內地同海外嘅大學生，上月頭開始喺廉署展開6星期實習，廉署facebook專頁噚日上載短片分享佢哋實習嘅點滴。廉署人員一般需接受20周入職培訓，實習生就有機會體驗3日「試煉版」入職特訓，包括學習點樣用伸縮棍同手銬等拉人、嘗試喺第三代錄影會面室向嫌疑人讀出警誡辭同錄口供、到模擬法庭了解準備審訊嘅程序。