【明報專訊】經民聯噚日聯同地產代理界代表見金管局副總裁阮國恒，反映業界苦况。經民聯副主席林健鋒會後見記者，提到工商界由2019年捱到𠵱家，就係希望等到經濟復蘇，為香港經濟貢獻，形容捱咗咁多年，最後唔可以為香港貢獻係好可惜，希望金管局、銀行業等聯同業主、工商勞工界一齊推動經濟。佢仲一時感觸哽咽，眼眶泛淚，「即係大家可以……同舟共濟，共渡時艱，所以希望大家可以……平平安安」。