【明報專訊】有逾110年歷史嘅城際直通車將永久停運。直通車曾經係往來內地與紅磡嘅主要交通方式，但自從2018年高鐵通車後，直通車客量大跌，其後暫停營運。中國海關總署噚日喺公告話，即日起正式關閉位於北京西站、上海站、廣州東站及東莞常平站4個內地與香港城際直通車鐵路口岸，意味直通車完成歷史任務。現時直通車紅磡站原址舉行緊港鐵「站見」鐵路展，運輸及物流局回覆Emily話，原本紅磡火車站直通車嘅設施位置用途有待重新規劃。