【明報專訊】政府上月公布《香港氫能發展策略》，港鐵早前引入3卡國產低地台氫能列車，並喺屯門建安站加建低地台月台以供試車。鐵路愛好者專頁Riders噚日凌晨影到嗰3卡車首度離開輕鐵車廠，喺屯門區「兜風」做動態界限測試，但佢哋發現，列車到達測試正式起點銀圍站時，車門下方用嚟測試界限嘅發泡膠粒損毁，懷疑係畀車站嘅空隙填充膠條刮爛，意味港鐵或需調整測試路線嘅相關設備位置。