【明報專訊】巴黎奧運會今個月26號開幕，立法會噚日為出戰嘅港隊代表舉辦打氣活動，主席梁君彥、文體旅局長楊潤雄、身兼港協暨奧委會副會長嘅霍啟剛及一眾議員，加埋8個退役及現役港隊運動員出席，仲即場測試體能，分別有平板支撐、閉目單腳站立、立定跳遠、手握力、3分鐘台階測試同坐地前伸，每個攤位都有前港隊代表協助。