【明報專訊】升中派位噚日放榜，油蔴地天主教小學（海泓道）小六生陳愷昊獲派第一志願華仁書院後接受傳媒訪問，但焦點就落喺佢背後、分別獲派皇仁書院同英皇書院嘅兩個同學仔，訪問片段喺網上熱傳。陳同學提到獲派華仁都好意外，自己星期一至五放學後就即刻補習，企佢右後方嘅江同學聽到後隨即「O嘴」，一臉驚訝，仲同另一面嘅同學互打眼色。被問到辛唔辛苦，陳同學話「辛苦就談不上」，覺得讀書係本分，背後兩個同學再次表情多多，江同學再次「O嘴」難掩詫異，另一同學就露出意味深長嘅微笑。