【明報專訊】九龍直資名校拔萃男書院位處旺角小山丘上，如果由旺角上去，一係行長樓梯，或者繞道亞皆老街方向行大斜路上去，大熱天時或落雨都幾辛苦。校方一直爭取建捷徑，由旺角東港鐵站直接駁上校園，由校友斥資1060萬元興建，呢項工程由2009年提出，足足搞咗15年，終獲港鐵及8個政府部門「開綠燈」，校方噚日喺校內舉行動土儀式。