【明報專訊】國家主席習近平早前提出推動新質生產力，以創新起主導作用，擺脫傳統經濟增長方式，香港政界都話要響應，但何謂新質生產力、香港點樣實踐，就唔係人人講到。工聯會鄧家彪搞嘅智庫治港新政，聯同香港中國企業協會資訊科技行業委員會、清華大學國情研究院及香港都會大學，將喺本月26日舉辦「香港新質生產力」研討會，重量級講者係清華大學文科資深教授胡鞍鋼。鄧家彪同Emily講，財政司長陳茂波及都會大學校長林群聲等都會出席。