【明報專訊】舊年本港發生跳彈牀意外，兩個少年受傷。民建聯議員梁熙噚日喺立法會口頭質詢，關注會唔會加強規管彈牀遊樂場，包括設立發牌制度。多個議員認為跳彈牀係體育項目，建議文體旅局規管，不過文體旅局副局長劉震就認為跳彈牀只係屬於「人類行為」，超出體育範疇，「係咪所有人類行為因為有對應體育項目，就要由體育角度出發規管？呢個係未必合適」。