【明報專訊】京港臥鋪列車上周六晚開通，運輸及物流局長林世雄同唔少傳媒都有搭首班車上京，大班人成晚流流長，最啱傾心事，林局長就相約記者喺車廂夜話。局長話，好記得當年有份策劃高鐵，負責菜園村收地，高鐵喺立法會申請撥款時引起唔少風波，唔少人批評高鐵係「大白象」、反對「一地兩檢」，但𠵱家唔少市民讚高鐵方便，令佢感觸良多。