【明報專訊】近期最紅男影星之一必數「信一」劉俊謙，新民黨主席葉劉淑儀噚日出席「聖公會幼稚園71周年畢業典禮」時，就遇到「劉俊謙」，葉太讚佢非常帥氣，仲頒獎畀佢——其實係同男星同名同姓嘅畢業生。聖公會幼稚園自1945年創立，最初嘅名字係「聖保羅學校附屬幼稚園」，葉太提到，第一屆特區政府首席法官李國能都係該校第一屆畢業生。