【明報專訊】原本往來香港至上海同北京西站嘅城際直通車，將改以高鐵「動臥列車」取代，今個月15日起通車，班次「夜發朝至」。曾坐過動臥列車嘅勞福局副局長何啟明噚日喺facebook出post，分享舊年由深圳坐火車去北京嘅經驗。佢話如果4個朋友一齊預約，可以坐卧舖車廂，甚至可以夜晚鎖門瞓覺添。佢又貼出上年3月同工聯會立法會議員陸頌雄、郭偉強等人搭列車上京嘅相，見到佢哋4人「包廂」，一人一張牀，鬼咁歎。