【明報專訊】香港有17個水塘，總容量5.86億立方米。為保持水質，水務署原來會喺有過多藻類生長嘅水塘，投放約30萬條鯿魚、大頭魚同鯪魚魚苗，利用唔同魚類嘅攝食特性清除水藻，維持生態平衡。水務署漁務技工（又叫「水塘漁夫」）就會按時利用刺網捕魚，記錄水塘魚類嘅種類、數量、大小等信息，了解變化趨勢，仲會遙控無人船到唔同監測點抽取水樣，做恆常水質監測。