【明報專訊】揚威海外嘅電影《九龍城寨之圍城》不但本地票房報捷，內地亦大收旺場。文體旅局長楊潤雄話，《九》喺政府空置場地搭建嘅場景，拍完後已拆咗，場地還咗畀政府。政府同《九》電影公司傾緊將電影物資好似劇照、片段、道具等物料做展覽，吸引市民同旅客參觀，了解九龍寨城掌故同電影製作背後嘅故事，期望經《九》帶動，結合相關旅遊項目，發展電影旅遊產業。