【明報專訊】香港無處不旅遊，中西區民政處今晚起喺以前俗稱「高街鬼屋」嘅西營盤社區綜合大樓舉辦「高街光影情緣 Love in the Light」光影展覽。Emily噚晚所見，大樓圓拱立面裝上紅、黃、紫、綠等多色發光裝置，遠睇有啲似霓虹光管，民政處話設計意念來自時光隧道，結合藝術、建築同科技，展示愛情嘅光影，可以畀參觀者「踏上一趟愛意洋溢的浪漫之旅」。