【明報專訊】首階段「走塑」前日實施，禁止發售或提供發泡膠餐具同即棄膠飲管、膠叉、膠匙羹等。敘福樓主席兼行政總裁黃傑龍前晚喺facebook宣布，旗下四大主要品牌牛角、牛角Buffet、牛涮鍋MMC、溫野菜全面放棄做外賣，只做堂食，原因係外賣生意唔多，「終極走塑免麻煩」，引來唔少關注。噚日晨早黃傑龍再出帖，澄清自己絕對唔係「軟對抗」，又話應該講得正面啲，「唔係放棄外賣，係專注堂食」。