【明報專訊】文化體育及旅遊局長楊潤雄上周五（威尼斯時間19日）去到意大利威尼斯，主持威尼斯視藝雙年展香港展開幕禮。佢噚日喺facebook講番其後參觀展場嘅體驗，見到楊潤雄（左）以吊腳長褲、船襪黑鞋嘅潮look現身藝術場地，並參觀藝術家徐冰（右）嘅展品。楊潤雄話，徐冰剛剛做咗香港文化推廣大使，而徐老師今次喺威尼斯就有一個「徐冰：藝術衛星—首部在太空拍攝的動畫影片」展覽，其中一項展品係要瞓喺梳化椅，望住設於屋頂位置屏幕播放嘅太空投影片，感受太空之旅。