【明報專訊】抬頭有驚喜，噚日中午時分本港多區市民發現太陽外圍有個彩色光環。據天文台介紹，呢種光學現象叫日暈（Halo），當冰晶組成嘅卷狀雲折射陽光時，就會形成環狀或弧狀嘅光環，而雲層中冰晶含量愈高，光環就愈明顯。Emily嘅同事噚日分別喺將軍澳（圖）、深井同南區見到日暈，而一班沙田區議員噚日去咗機場了解最新發展，見到日暈都齊齊打卡合照，其中姚嘉俊仲將相片放喺facebook分享。