【明報專訊】新界鄉議局噚日喺粉嶺高爾夫球場（舊場）搞賽跑活動，政府已收回呢幅地，部分會規劃嚟建屋。身兼行會成員嘅鄉議局主席劉業強借題發揮，話唔同意將土地建屋。佢話當初2018、2019年時政府唔夠地建樓，好多人提出收球場建屋，話佢覺得有人係「搞分化」，但𠵱家社會要「由治及興」，而「興」係要講和諧啲發展，佢相信政府應可作出更明智決定。