【明報專訊】有網民噚日喺facebook話，今個月16號同家人搭國泰CX138航班商務客位由悉尼返港，家人食飛機餐嘅沙律時食到一隻完整大飛蛾，令佢作嘔又胃痛，打後兩日都食唔落飯。該網民話，空中服務經理承諾48小時內會聯絡佢哋跟進同交代，但佢一直等咗超過一個星期都無收到回應，批評國泰服務「一落千丈」，希望管理層正視。