【明報專訊】立法會噚日就23條立法恢復二讀辯論，除咗主席梁君彥，全體88個議員都發言支持立法，其中7人用英文、3人用普通話。本身係嶺大歷史系教授嘅選委界劉智鵬用英文發言時，就由1840年代香港開埠講起，話英治時期香港作為自由港，為西方情報機構蒐集中國情報提供便利，令中國國家安全持續受威脅，時至今日香港回歸、立法維護國安就成為當務之急。