【明報專訊】前財政司長曾俊華話政府出現結構性財赤，擔心政府要借貸度日。行會成員兼立法會保險界議員陳健波（片段截圖）就話要拆穿對預算案嘅不實批評，話有啲人嘅評論「無講事實嘅全部」。波哥又翻舊帳，話如果當年喺經濟好景、財政儲備不斷增加時，政府肯大力造地，令土地供應充足，咁2007年至2016年期間（即係曾俊華做財爺時期），樓價就唔會飈升至同市民負擔能力脫節，搞到社會問題叢生，𠵱家政府就唔使投放咁多錢喺基建上。