【明報專訊】特首李家超噚日喺facebook發帖報喜，話喺禮賓府嘅桃花結果（圖），形容係「好兆頭」。原來今次係禮賓府嘅桃花連續兩年結果，李家超引述同事所講，話係桃花每日睇住大家「以結果為目標」，團結努力工作，桃花作為禮賓府一分子，亦都一齊以「結果」為目標喎！適逢上周三《財政預算案》公布，李家超話預算案為香港未來經濟發展定下方向，相信社會上下一心，就會令香港經濟更勝從前，結出更多甜美果實咁話。