【明報專訊】球王美斯訪港不上陣，演變成「回水」風波甚至國際關注，2月4日有入大球場觀賽嘅前財政司長曾俊華喺一周後出帖評論事件，話佢同在場絕大部分美斯擁躉一樣覺得非常失望，並講咗兩個值得思考嘅觀點，第一，本來係大家支持嘅盛事，最後喺噓聲下收場，仲要演變成國際事件，「好事變壞事，點解好似近年屢見不鮮呢？」第二，佢話如果郁吓就將事件提升至政治層面，「咁就無可避免，一定會影響到香港喺國際間嘅名聲啦」。