【明報專訊】由香港戲劇協會主辦嘅「香港舞台劇獎頒獎禮」，早排被藝發局通知停止資助今屆（第32屆）頒獎禮，雖然冇政府資助，不過劇協決定繼續辦頒獎禮，定喺4月至5月舉行，資金方面就會透過義賣籌募。劇協幹事莊梅岩喺facebook分享義賣活動帖文嘅同時，透露喺「藝發局斷尾糧」事件後，劇協嘅幹事都收到好多有心人想捐款，不過佢哋討論後決定暫時唔接受捐款，只係以義賣形式籌款。