【明報專訊】名校拔萃女書院嘅校長劉靳麗娟（圖）由1999年起上任，在任至少24年，原定做埋今個學年就退休，不過學校校監余嘉寶噚日就向家長、教職員及學生等發通告，表示經過一段時間努力，仍未物色到適合人選接任校長一職，因此宣布劉太繼續留任。拔萃女書院早於前年招聘校長，並要求今年9月新學年到任，最終校方未招聘到新校長。校方噚日通告未有交代劉太留任嘅年期、招聘程序會唔會繼續。