【明報專訊】勞福局長孫玉菡噚日同勞福局常秘劉焱、康復專員王秀慧、社署助理署長梁綺莉去咗參觀位於薄扶林嘅協康會綜合服務大樓，了解學前兒童康復服務同家長支援服務。孫玉菡喺facebook話要多謝一班小朋友喺參觀其間，同佢一齊模擬搭港鐵、過馬路、到超市買嘢同剪頭髮，過咗個溫情滿載嘅上午。佢仲一度戴住綠色「爆炸頭」假髮，畀小朋友幫佢吹頭。