【明報專訊】發展局聯同立法會發展事務委員會近日去上海考察，噚日行程之一係參觀臨港新片區，一行人體驗無人駕駛的士、自動駕駛巴士，不過部分無人駕駛仍在試驗階段，所以要有個司機以防萬一。有份試坐無人駕駛汽車嘅民建聯議員林琳話，車內一名安全人員會拎住遊戲控制桿款式嘅遙控器，陪議員搭車之餘，仲介紹點樣打機式控制駕駛。