【明報專訊】近年人工智能（AI）成為全球科技發展重要一環。立法會秘書長陳維安噚日話，稱為「智識聽」系統嘅立法會智慧謄錄系統，今年9月底正式上線，目前用於擬備立法會大會及財委會嘅逐字紀錄本，明年1月起會將服務擴展至所有其他委員會會議，記錄出席議員、曾發言議員及就各議題嘅跟進行動，並提供文字及聲音兼備嘅會議紀錄，提升擬備會議紀錄效率。即屆時會議紀錄會顯示議員具名言論，唔再係「一名議員」模糊不清嘅表達。