【明報專訊】康文署轄下嘅深水埗公園兒童遊樂場改建為共融遊樂場，噚日起開放畀公眾使用。新遊樂場佔地約6400平方米，較原有面積增加4倍以上，設置多種類型嘅鞦韆及唔同高度嘅滑梯，其中位於「沙丘地堡」主題區嘅攀爬塔連接高逾6米及長逾13米嘅旋轉滑梯，係康文署轄下遊樂場最高及最長嘅滑梯。Emily趁周日下晝去睇吓，公園好熱鬧，有過百個小朋友喺度玩，玩滑梯要排長龍，但見佢哋都玩得好開心。