【明報專訊】區選臨近，Emily發現部分無政黨背景嘅候選人都嘗試透過選舉單張、廣告突圍。其中元朗市中心選區候選人施駿興早前同選委界立法會議員馬逢國一齊扮演1990年代經典港產片《國產凌凌漆》嘅造型，影咗張選舉宣傳照，相中嘅馬逢國一頭亂髮，身穿白Tee，手搭赤膊、只著件圍裙嘅施駿興膊頭，加上一句：「喂我哋落區啦」，不過張相原來係期間限定，喺上月萬聖節當日上載到施駿興嘅社交平台後，翌日已換走，亦有製成橫額掛喺街上。