【明報專訊】司法機構向立法會提交文件，提到計劃出年年初就選定案件喺法院大樓外試行現場直播，準備就緒就會公布細節；不過就唔係所有司法程序都適合直播，𠵱家仲研究緊原則同細節。Emily睇番資料，終院首席法官張舉能今年初喺法律年度開啟典禮話，直播司法程序最快今年內推行，當時被問到初選案等國安法案件會唔會直播，佢就答「你（記者）心目中諗緊嘅大案都已經會開審，唔會考慮得切住」，其他國安案亦要研究下。