【明報專訊】仲有一個月就係區議會選舉投票日，政府、政黨、社團近日紛紛呼籲選民投票，就連天文台喺天氣報告都不忘提醒大家投票。噚日天文台早上同傍晚嘅天氣節目，兩個科學主任喺尾段都提大家區選要去投票，其中天文台科學主任吳彥琳（圖）喺「早晨天氣節目」尾段話：「另外，12月10號區議會選舉，無論天氣預測點樣，大家都記得去投票啦！」有網民就喺「早晨天氣節目」影片留言，笑言「報天氣都要拉票，真係搵食艱難！」亦有網民對於天氣報告以廣告形式宣傳區選表示「接受唔到」。