【明報專訊】牀蝨問題蔓延至港人旅遊熱點韓國，港府都喺機場加強宣傳，仲同酒店業開會避免牀蝨傳入本港。前民政事務局長、酒店業主聯會執行總幹事徐英偉噚日喺電台節目話，香港牀蝨情况唔算嚴重，業界亦會加強管理同清潔。講起牀蝨，徐英偉仲稱呼佢哋做「小朋友」，主持忍唔住問點解，佢解釋因為牀蝨細細隻，「通常我哋都係『好客』，個個都係朋友嚟嘅」。