【明報專訊】特首李家超今日發表新一份《施政報告》，有消息話會提出多項鼓勵生育措施，具體政策未出台，有機構已經話會響應。九巴噚日同Emily講，為咗吸引同挽留人才，近日積極研究緊喺車廠入面設立託兒服務，希望為員工提供友善生育環境，目前同緊有關當局商討跟進工作。唔知以後喺車廠長大嘅小朋友，大個會唔會變巴士迷呢？